சட்டவிரோதமாக ஏதாவது நடந்திருந்தால் நடவடிக்கை எடுக்குமாறும் சட்டவிரோதமானது இல்லையென்றால், பட்டியலைக் காட்டி அதை சுற்றி வளைப்பதில் என்ன பயன் என அரசாங்கத்திடம் நாடாளுமன்ற உறுப்பினர் ஜீவன் தொண்டமான் (Jeevan Thondaman) கேள்வி எழுப்பினார்.
முன்னாள் ஜனாதிபதி ரணில் விக்ரமசிங்கவை திருடன் மற்றும் பிச்சைக்காரன் என்று நீதி அமைச்சர் ஹர்ஷன நாணயக்கார கூறியதை சுட்டிக்காட்டிய நாடாளுமன்ற உறுப்பினர் ஜீவன், அதற்காக மன்னிப்பு கேட்க வேண்டும் என்றும் கேட்டுக் கொண்டார்.
“இன்று நீங்கள் அனைவரும் வாக்களிக்கப்பட்டு உங்கள் இருக்கைகளில் அமர்ந்திருக்கிறீர்கள், ஏனென்றால் மக்கள் மாற்றத்தை விரும்பினர். நிர்வாக ரீதியாக மட்டுமல்ல, அரசியல் கலாச்சார ரீதியாகவும் மக்கள் மாற்றத்தை விரும்பினர்,” என்று அவர் கூறினார்.
மேலும், தேசத்தைக் காப்பாற்றிய ஒருவரை திருடன் மற்றும் பிச்சைக்காரன் என்று அழைப்பது பகுத்தறிவற்றது என்று கூறிய நாடாளுமன்ற உறுப்பினர் தொண்டமான், நீதி அமைச்சரின் அறிக்கையைக் கண்டித்து, அவர் மன்னிப்பு கேட்க வேண்டும் எனவும் தெரிவித்தார்.
அத்தோடு, சட்டவிரோதமாக ஏதாவது செய்யப்பட்டிருந்தால் நடவடிக்கை எடுக்குமாறும் அது சட்டவிரோதமானது இல்லையென்றால், பட்டியலைக் காட்டி அதை சுற்றி வளைப்பதில் என்ன பயன் என்றும் அவர் கேள்வி எழுப்பினார்.
https://www.youtube.com/embed/5kqtlP6hahs