தொடரும் சீரற்ற காலநிலை! ஐந்து மாவட்டங்களுக்கு மண்சரிவு எச்சரிக்கை

நிலவும் சீரற்ற காலநிலை காரணமாக ஐந்து மாவட்டங்களுக்கு மண்சரிவு எச்சரிக்கை அறிவிப்பை தேசிய கட்டட ஆராய்ச்சி நிறுவனம் வெளியிட்டுள்ளது.

இதன்படி, காலி மாவட்டம்: பத்தேகம, கண்டி மாவட்டம்: கங்க இஹல, கோரளை, கேகாலை மாவட்டம்: அரநாயக்க, நுவரெலியா மாவட்டம்: அம்பகமுவ, நோர்வுட், இரத்தினபுர மாவட்டம்: கிரிஎல்ல ஆகிய பகுதிகளுக்கு மண்சரிவு எச்சரிக்கை விடுக்கப்பட்டுள்ளது.

மண்சரிவு எச்சரிக்கை

எச்சரிக்கையாக இருக்க வேண்டியதன் அவசியத்தை வலியுறுத்தும் மஞ்சள் நிற முன்னெச்சரிக்கையின் முதல் கட்ட அறிவிப்பு குறித்த மாவட்டங்களுக்கு விடுக்கப்பட்டுள்ளது.

இந்த எச்சரிக்கை நேற்று (30) இரவு 9:00 மணி முதல் இன்று (31) இரவு 9:00 மணி வரையிலான அடுத்த 24 மணி நேரத்திற்கு வெளியிடப்பட்டுள்ளது.