சிறையில் இருந்தாலும் மகிந்தானந்தவிற்கு அடித்த அதிஷ்டம் : நளினுக்கு கிடைத்த ஏமாற்றம்

முன்னாள் அமைச்சர் மகிந்தானந்த அளுத்கமகே(mahindananda aluthgamage) தனது ஓய்வூதியத்தை எந்தவிதக் குறைப்பும் இல்லாமல் தொடர்ந்து பெறுவார் என்று நாடாளுமன்ற வட்டாரங்கள் தெரிவிக்கின்றன.

முன்னாள் நாடாளுமன்ற உறுப்பினர்களின் ஓய்வூதியச் சட்டத்தின் கீழ் தண்டனை அனுபவிக்கும் முன்னாள் நாடாளுமன்ற உறுப்பினர்களின் ஓய்வூதியம் குறித்து எந்தக் குறிப்பும் இல்லாததால், அவர் தனது ஓய்வூதியத்தைத் தொடர்ந்து பெற வேண்டியிருக்கும் என்று நாடாளுமன்ற நிதிப் பிரிவைச் சேர்ந்த அதிகாரி ஒருவர் தெரிவித்தார்.

தீர்ப்பில் கூறப்பட்டால் நிறுத்தப்படவேண்டும்

தீர்ப்பில் ஓய்வூதியம் நிறுத்தப்பட வேண்டும் என்று கூறப்பட்டால், அது நிறுத்தப்பட வேண்டும் என்றும் அவர் கூறினார்.

நளின் பெர்னாண்டோவின் சேவைக்காலம் போதாது

கடும் உழைப்புடன் சிறைத்தண்டனை விதிக்கப்பட்ட முன்னாள் வர்த்தக அமைச்சர் நளின் பெர்னாண்டோவின்(nalin fernando) நாடாளுமன்ற சேவை காலம் ஐந்து ஆண்டுகளுக்கும் குறைவாக இருப்பதால், அவருக்கு ஓய்வூதியம் கிடைக்காது என்று வட்டாரங்கள் தெரிவித்தன.