உலகிலேயே மிகவும் விலையுயர்ந்த கடவூச்சீட்டு: எங்குள்ளது தெரியுமா..!

உலகிலேயே மிகவும் விலை உயர்ந்த கடவூச்சீட்டாக வட அமெரிக்க நாடான மெக்சிகோவின் (Mexico) கடவூச்சீட்டு உள்ளது.

இதன் விலை சுமார் ரூ.19,481.75 ரூபாய் என்பதுடன் இது 10 ஆண்டுகளுக்கு செல்லுபடியாகும்.

கடவூச்சீட்டு என்பது உலகத்தை சுற்றி வர உதவும் மிக முக்கியமான பயண ஆவணமாகும்.

இதனை பெறுவதற்கு மக்கள் கட்டணம் செலுத்தி விண்ணப்பிக்கலாம். கடவூச்சீட்டின் விலை வசிக்கும் இடத்தைப் பொறுத்தது மற்றும் நாடுகளுக்கு இடையே மாறுபடும்.

விலை உயர்ந்த கடவூச்சீட்டு

Compare The Market அறிக்கையில் வெளியிடப்பட்ட தரவுகளின்படி, 2024 -ம் ஆண்டில் கடவூச்சீட்டு பெறுவதற்கான செலவு ரூ.19,000 முதல் ரூ.1,500 வரை மாறுபடுகிறது.

இதற்கமைய, உலகிலேயே மிகவும் விலை உயர்ந்த கடவூச்சீட்டை வட அமெரிக்க நாடான மெக்சிகோ கொண்டுள்ளது.

அதைத் தொடர்ந்து அவுஸ்திரேலியாவின் 10 ஆண்டு கடவூச்சீட்டு ரூ.19,041 மற்றும் அமெரிக்காவின் 10 ஆண்டு கடவூச்சீட்டு ரூ.13,868 ஆகும்.

சக்திவாய்ந்த கடவூச்சீட்டு

இதேவேளை,
ஐக்கிய அரபு எமிரேட்ஸ் உலகிலேயே  குறைந்த விலையிலுள்ள கடவூச்சீட்டைக் கொண்டுள்ளது.

ஐக்கிய அரபு எமிரேட்ஸில் நாம் கடவூச்சீட்டுபெறுவதற்கு வெறும் ரூ.1,400 மட்டுமே செலவாகும்.

இந்திய கடவூச்சீட்டை பெறுவதற்கு ரூ.1,524.95 செலவாகிறது. இது 10 வருட செல்லுபடியாகும்.

கென்யா மற்றும் தென்னாபிரிக்கா போன்ற ஆபிரிக்க நாடுகளுடன் ஹங்கேரி மற்றும் ஸ்பெயின் போன்ற சில ஐரோப்பிய நாடுகளும் உலகின் மிகக் குறைந்த விலையுள்ள கடவூச்சீட்டுகளைக் கொண்டுள்ளன.

அதே சமயம் 30 மற்றும் அதற்கு மேற்பட்ட வயதுடைய குடிமக்களுக்கான ஸ்பெயினின் கடவூச்சீட்டு, 194 நாடுகளுக்கு விசா இல்லாத (visa-free) அணுகலுடன் உலகின் மிக சக்திவாய்ந்த கடவூச்சீட்டுகளில் ஒன்றாக பார்க்கப்படுகின்றது.