பாதுகாப்பு பிரதி அமைச்சர் அருண ஜயசேகரவுக்கு எதிரான நம்பிக்கையில்லாப்
பிரேரணைக்கு முழுமையான ஒத்துழைப்பு வழங்குவோம் என்று ஸ்ரீலங்கா பொதுஜன பெரமுனவின் தேசிய அமைப்பாளர் நாமல் ராஜபக்ச தெரிவித்துள்ளார்.
உயிர்த்த ஞாயிறு தினக்
குண்டுத் தாக்குதல்கள் பற்றி கிடைத்த புலனாய்வுத் தகவல்களை மேசையில்
பத்திரப்படுத்தி வைத்து பொறுப்பை மீறியவர்கள் இந்த அரசில் உயர் பதவிகளில்
உள்ளார்கள். அவர்களுக்கு எதிராகவும் நடவடிக்கை எடுக்கப்பட வேண்டும் என்றும் குறிப்பிட்டுள்ளார்.
உயிர்த்த ஞாயிறுதின தாக்குதல்கள்
இது தொடர்பில் ஊடகங்களிடம் அவர் மேலும் கூறுகையில்,
“உயிர்த்த ஞாயிறுதினக் குண்டுத் தாக்குதல் சம்பவம் முழுமையான
அரசியலாகிவிட்டது.
குண்டுத் தாக்குதல்கள் பற்றிப் போலியான குற்றச்சாட்டுக்களை
முன்வைத்தே இந்த அரசு ஆட்சிக்கு வந்தது.
பாதுகாப்பு பிரதி அமைச்சர் அருண ஜயசேகர உயிர்த்த ஞாயிறுதினக் குண்டுத்
தாக்குதல்கள் இடம்பெற்ற போது கிழக்கு மாகாணக் கட்டளைத் தளபதியாகச்
செயற்பட்டார்.
இவர் தனது பதவிக்கான பொறுப்பில் இருந்து விலகியுள்ளார் என்று
குற்றஞ்சாட்டப்பட்டுள்ளது.
நம்பிக்கையில்லாப் பிரேரணை
இவ்வாறு குற்றச்சாட்டுக்குள்ளானவரை பதவியில் வைத்துக்கொண்டு எவ்வாறு
சுயாதீனமான முறையில் விசாரணைகள் இடம்பெறும் என்பதில் பாரிய சந்தேகம்
காணப்படுகின்றது.
ஆகவே, இவருக்கு எதிரான நம்பிக்கையில்லாப் பிரேரணைக்கு ஆதரவாக
வாக்களிப்போம்.
உயிர்த்த ஞாயிறு தினக் குண்டுத் தாக்குதல்கள் தொடர்பில் கிடைத்த புலனாய்வுத்
தகவல்களைக் கொண்டு எவ்வித நடவடிக்கைகளையும் எடுக்காமல் அவற்றை அலுவலக மேடையில்
பத்திரப்படுத்தி வைத்தவர்கள் இந்த அரசில் உயர் பதவிகளில் உள்ளார்கள்.
அவர்களுக்கு எதிராகவும் நடவடிக்கை எடுக்க வேண்டும் என குறிப்பிட்டுள்ளார்.