அரசாங்கத்தின் Lanka Government Cloud (LGC) அமைப்பில் ஏற்பட்ட தொழிநுட்பகோளாறு காரணமாக பல முக்கிய அரசாங்க இணைய சேவைகள் தற்காலிகமாக பாதிப்படைந்துள்ளது.
மின்னணு மற்றும் தகவல் தொழில்நுட்ப நிறுவனம் (ICTA) வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.
இதன் காரணமாக, பதிவாளர் நாயக திணைக்களத்தில் பிறப்பு, திருமணம் மற்றும் இறப்புச் சான்றிதழ் பெறுதல், வாகன வருமான அனுமதிப்பத்திரம் பெறுதல் உள்ளிட்ட வலைத்தளங்கள் பாதிக்கப்பட்டுள்ளன.
முக்கிய அறிவித்தல்
இந்த சேவைகளை விரைவில் மீட்டெடுக்க ICTA பொறியாளர்கள் தீவிரமாக செயல்பட்டு வருவதாகவும்,பொதுமக்களுக்கு ஏற்பட்ட சிரமத்திற்கு ICTA நிறுவனம் வருத்தம் தெரிவித்துள்ளது.
எனவே, பிறப்புச் சான்றிதழ்களின் நகல்கள் தேவைப்படுபவர்கள் அசல் சான்றிதழை வழங்கிய பிரதேச செயலகத்தில் இருந்து சான்றிதழ் நகல்களை பெற்றுக்கொள்ள முடியும் என பதிவாளர் நாயகம் அறிவித்துள்ளது.