அமெரிக்காவில் (United States) குழந்தைகள் பொழுது போக்கு பூங்காவில் இடம்பெற்ற துப்பாக்கிச் சூட்டில் 9 பேர் காயமடைந்துள்ளதாக சர்வதேச ஊடகங்கள் செய்தி வெளியிட்டுள்ளன.
குறித்த சம்பவமானது மிச்சிகன் மாகாணத்தின் ஒக்லண்ட் கவுண்டியில் டெட்ராய்ட் என்ற பகுதியில் இடம்பெற்றுள்ளது.
இந்த சம்பவம் தொடர்பில் தெரியவருகையில், பொழுதுபோக்கு பூங்கா ஒன்றில் மர்ம நபரினால் துப்பாக்கிச்சூடு நடாத்தப்பட்டுள்ளது.
துப்பாக்கிச்சூடு
துப்பாக்கிச் சூட்டில் பூங்காவில் இருந்த ஒன்பது பேர் படுகாயமடைந்துள்ளதாக தெரிவிக்கப்படுகின்றது.
இந்நிலையில், துப்பாக்கிச் சூட்டில் காயமடைந்தவர்களில் இரண்டு சிறுவர்களும் அடங்குவதாகவும், அவர்களில் ஒருவரின் நிலைமை கவலைக்கிடமாக இருப்பதாகவும் அறிவிக்கப்பட்டுள்ளது.
மேலும், காயமடைந்தவர்களில் நான்கு 78 வயதுடையவர்களும் உள்ளதாக மேலும் தெரிவிக்கப்பட்டுள்ளது.
சந்தேகநபர் உயிரிழப்பு
இதேவேளை, துப்பாக்கிச் சூடு நடத்தியவர் பூங்காவிற்கு அருகில் உள்ள வீடொன்றில் மறைந்திருந்த நிலையில் தன்னைத்தானே சுட்டுக் கொண்டதாகவும் மேலும் தெரிவிக்கப்பட்டுள்ளது.
இதன்போது, உயிரிழந்தவர் 42 வயதுடையவர் என தற்போது தெரியவந்துள்ளது.
மேலும் இந்த சம்பவம் தொடர்பில் காவல்துறையினர் விசாரணைகளை முன்னெடுத்துள்ளனர்.