இணையம் ஊடாக புலமைப்பரிசில் வகுப்புகளை நடத்தும் பிரபல ஆசிரியை ஹயேஷிகா பெர்னாண்டோ, தனது வழக்கறிஞர் மூலம் இன்று(14) மதியம் நீர்கொழும்பு நீதிமன்றத்தில் சரணடைந்தார்.
இளைஞன் ஒருவரை இடுப்பில் உதைத்து அவர் மருத்துவமனையில் அனுமதிக்கப்பட்ட நிலையில் கைது செய்வதிலிருந்து தப்பிக்க தலைமறைவானநிலையில், கடந்த வாரம் மூன்று காவல்துறைகுழுக்களால் தேடப்பட்டார்.
தலைமறைவான டீச்சர் அமமா
சந்தேக நபருக்காக முன்னிலையான ஜனாதிபதி சட்டத்தரணி அனுஜா பிரேமரத்ன, தனது வாடிக்கையாளர் நீதிமன்றத்தில் விருப்பத்துடன் சரணடைந்ததாக மாஜிஸ்திரேட் நீதிமன்றத்தில் தெரிவித்தார்.
இளைஞன் தாக்கப்பட்ட சம்பவம் குறித்து விசாரணை நடத்தி வரும் கட்டான காவல்துறையினர், பெர்னாண்டோவின் கணவர் மற்றும் முகாமையாளர் இருவரையும் கைது செய்தனர், அதே நேரத்தில் ஆசிரியை மற்றும் அவரது மகள் தலைமறைவாக இருந்தனர்.
தனது ஊழியர்களுக்கு கணினி இயக்கப் பணிகளைப் பயிற்றுவிக்க ஆசிரியரால் பணியமர்த்தப்பட்ட இளைஞர் பெண் ஊழியர்களை பாலியல் ரீதியாக துன்புறுத்தியதாகக் கூறப்படும் போது இந்த தாக்குதல் சம்பவம் நடந்ததாகக் கூறப்படுகிறது.
ஐந்து சந்தேக நபர்களும் பிணையில் விடுவிப்பு
தாக்குதல் சம்பவம் தொடர்பாக கைது செய்யப்பட்ட மற்ற இரண்டு சந்தேக நபர்களும் இன்று நீதிமன்றத்தில் முற்படுத்தப்பட்டதாகவும், ஐந்து சந்தேக நபர்களும் பிணையில் விடுவிக்கப்பட்டதாகவும் காவல்துறையினர் தெரிவித்தனர்.
சந்தேக நபர்கள் நீதிமன்றத்திற்கு அழைத்துச் செல்லப்பட்ட போது, தாக்கப்பட்ட இளைஞனின் உறவினர்கள் மற்றும் நண்பர்கள் நீர்கொழும்பு நீதிமன்றத்தின் முன் அமைதி போராட்டத்தில் ஈடுபட்டனர்.