முன்னாள் சிறைச்சாலை அதிகாரி படுகொலை: சிக்கிய இளைஞர்கள்

முன்னாள் சிறைச்சாலை அதிகாரி ஒருவரை சுட்டுக் கொன்ற சம்பவத்தில் இரண்டு சந்தேக நபர்கள் கைது செய்யப்பட்டுள்ளனர்.

கடந்த 21 ஆம் திகதி நடந்த துப்பாக்கிச் சூட்டு சம்பவமொன்றில் பாணந்துறையைச் சேர்ந்த லலித் குமார கோடகொட என்பவர் கொலை செய்யப்பட்டார்.

இந்த சம்பவத்தில் உதவியாகவும், உடந்தையாகவும் செயற்பட்டதாக குறித்த சந்தேக நபர்கள் கைது செய்யப்பட்டுள்ளனர்.

கைது நடவடிக்கை

குறித்த கைது நடவடிக்கை நேற்று (28) பாணந்துறை, மோதரவில பகுதியில் இடம்பெற்றுள்ளது.

சம்பவத்தில் 18 மற்றும் 21 வயதுடைய இருவர் கைது செய்யப்பட்டு, பண்டாரகம காவல் நிலையத்தில் முன்னிலைப்படுத்தப்பட்டுள்ளனர்.

இலக்கத் தகடு

சந்தேக நபர்களிடமிருந்து போலி இலக்கத் தகடுகளுடன் கூடிய மோட்டார் சைக்கிள், போலி கடவுச்சீட்டு, காப்பீட்டுச் சான்றிதழ், வருமானச் சான்றிதழ் மற்றும் ஒரு ஜோடி போலி இலக்கத் தகடுகள் பறிமுதல் செய்யப்பட்டுள்ளன.

பண்டாரகம காவல்துறையினர் சம்பவம் தொடர்பாக மேலதிக விசாரணைகளை மேற்கொண்டு வருகின்றமை குறிப்பிடத்தக்கது.