பிரித்தானியாவில்(United kingdom)தற்போது ஆபத்தான தொற்று நோய் பரவி வரும் நிலையில் 48 மணி நேரம் வீட்டுக்குள்ளேயே இருக்குமாறு அறிவுறுத்தப்பட்டுள்ளதாக அந்நாட்டு ஊடகங்கள் செய்தி வெளியிட்டுள்ளன.
இதன்போது, நோரோவைரஸ்(Norovirus) என்னும் தொற்று நோயே பிரித்தானியா பரவி வருவதாக பிரித்தானிய சுகாதார அமைப்பு(NHS) தெரிவித்துள்ளது.
குறித்த தொற்று நோய் விரைவில் பரவ கூடியதாக காணப்பட்ட போதிலும், அதிலிருந்து தம்மை பாதுகாக்கும் வழிகள் உள்ளதாக NHS உறுதி அளித்துள்ளது.
நோரோவைரஸ் தொற்று
அத்துடன், பாதிக்கப்பட்ட நபருடன் நெருங்கிய தொடர்பு பேணுவதன் மூலம் வைரஸ் பரவக்கூடும் என்றும் NHS எச்சரித்துள்ளது.
இருப்பினும், அதை எதிர்த்துப் போராட சில வழிகள் உள்ளதாக அந்நாட்டு சுகாதார அமைப்பினர் குறிப்பிடுகின்றனர்.
இது தொடர்பில் சுகாதார அமைப்பினர் தெரிவிக்கையில், “நோரோவைரஸ் பாதிக்கப்பட்டுள்ள ஒருவரிடமிருந்து வாந்தி அல்லது வயிற்றுப்போக்கால் மாசுபடுத்தப்பட்ட துணி அல்லது மேற்பரப்புகளை தவிர்க்க வேண்டும்.
ப்ளீச் அடிப்படையிலான துப்புரவுப் பொருளைக் கொண்டு இதேபோல் மாசுபடுத்தப்பட்ட எந்தப் பரப்புகளையும் கிருமி நீக்கம் செய்ய வேண்டும்.
செல்லப்பிராணிகளைக் கொண்ட குடும்பங்கள் கூடுதல் முன்னெச்சரிக்கை நடவடிக்கைகளை எடுக்க வேண்டும் என்பதை நினைவில் கொள்வது அவசியம்.
சவர்க்காரம் மற்றும் தண்ணீருடன் தொடர்ந்து கைகளை கழுவுவது வைரஸ் பரவுவதை தடுக்க உதவும்.
நோயறிகுறி
மேலும், உடல்நிலை சரியில்லாத எவரும், குறைந்தபட்சம் 48 மணிநேரங்களுக்கு அறிகுறியற்றவர்களாக இருக்கும் வரை, சமையலறை அல்லது குடும்பத்தினரால் பகிர்ந்து கொள்ளப்படும் எந்தவொரு உணவையும் தவிர்க்க வேண்டும்.
வாந்தியெடுத்தல் கிருமியால் பாதிக்கப்பட்டவர்கள் குறைந்தது இரண்டு நாட்களுக்கு அறிகுறியற்றவர்களாக இருக்கும் வரை வேலை அல்லது பாடசாலையிலிருந்து விலகி இருக்க வேண்டும்.
இதேவேளை, பாதிக்கப்பட்ட நபர் நிறைய ஓய்வெடுப்பதை உறுதிசெய்து, நீரிழப்பைத் தடுக்க முயற்சிகள் முன்னெடுக்க வேண்டும் எனவும் அறிகுறிகள் பொதுவாக இரண்டு முதல் மூன்று நாட்களுக்குள் மேம்படும்.” என அவர் தெரிவித்துள்ளனர்.