இம்முறை வாக்காளர் பட்டியல் பதிவு நடவடிக்கைகள் இணையமுறை மூலம் நடைபெறும் என்று தேர்தல் ஆணையம் தெரிவித்துள்ளது.
இது தொடர்பில் ஆணைக்குழு அறிக்கை ஒன்றையும் வெளியிட்டுள்ளது.
முன்னதாக, கிராம அலுவலர்கள் வீடுகளுக்கு சென்று அதற்கான படிவங்களை வழங்கும் முறை காணப்பட்டது.
நிகழ்நிலை பதிவு
எனினும் தற்போது பொதுமக்கள் தேர்தல் ஆணையத்தின் அதிகாரப்பூர்வ இணையதளத்தில் உள்நுழைந்து, பயனர் கணக்கை உருவாக்கி, “குடிமக்களுக்காக” என்ற இணைப்பின் கீழ் “நிகழ்நிலை பதிவு” சேவையை அணுகுவதன் மூலம் வாக்காளர் பட்டியலில் சேர்க்க விண்ணப்பிக்கலாம் என்று கூறப்படுகிறது.
2025.02.01 அன்று 18 வயதை பூர்த்தி செய்யாத, ஆனால் தேசிய அடையாள அட்டை அல்லது அடையாள அட்டையில் உள்ள தகவல்களை உறுதிப்படுத்தும் கடிதம் உள்ள இளம் பிரஜைகள், “குடிமக்களுக்காக” என்ற இணைப்பின் கீழ் “இளம் குடிமக்கள் பதிவு” என்ற மின் சேவையில் உள்நுழைந்து புதிய வாக்காளர் பட்டியல்களில் பதிவு செய்ய விண்ணப்பிக்கலாம் என்று மேலும் கூறப்பட்டுள்ளது.
