உறங்கிக் கொண்டிருந்த பெண்ணை தாக்கி நகைகள் கொள்ளை

முகமூடி அணிந்த நபர் ஒருவர் பெண் ஒருவரை தாக்கி விட்டு நகைகளை கொள்ளையடித்து சென்ற
சம்பவம் ஒன்று சம்மாந்துறை காவல்துறை பிரிவில் பதிவாகியுள்ளது.

அம்பாறை (Ampara) – மாவட்டம்
சம்மாந்துறை காவல்துறை பிரிவுக்குட்பட்ட வீட்டில் அதிகாலை வேளை 3 மணியளவில்
உறங்கிக் கொண்டிருந்த பெண்ணை தாக்கி விட்டு முகமூடி அணிந்த நபர் ஒருவர்
நகைகளை கொள்ளையடித்து சென்றதாக சம்மாந்துறை காவல் நிலையத்தில் கடந்த
ஞாயிற்றுக்கிழமை(11) முறைப்பாடு செய்யப்பட்டிருந்தது.

குறித்த
முறைப்பாட்டிற்கமைய சம்மாந்துறை காவல் நிலைய பொறுப்பதிகாரி கே.டி.எஸ்
ஜெயலத்தின் வழிகாட்டுதலில் காவல் நிலைய பெருங்குற்றப் பிரிவு பொறுப்பதிகாரி
கே.சதீஸ்கர் தலைமையிலான குழுவினரின் விசாரணை நடவடிக்கைகளை
மேற்கொண்டிருந்தனர்.

மேலதிக விசாரணை

இதன் போது கல்முனை பிரதேச நகைக்கடை ஒன்றில் இன்று
திங்கட்கிழமை (12) திருடப்பட்ட நகை மீட்கப்பட்டுள்ளதுடன் திருட்டு
சம்பவத்தி ல் ஈடுபட்ட சந்தேக நபரும் சம்மாந்துறை பிரதேசத்தில் வைத்து கைது
செய்யப்பட்டுள்ளார்.

இச்சம்பவம் தொடர்பில் கைது செய்யப்பட்ட 37 வயதுடை
சந்தேக நபரிடம் காவல்துறையினர் மேலதிக விசாரணை மேற்கொண்டு வருகின்றனர்.