படுக்கையில் இறந்து கிடந்த இளம் குடும்ப பெண்! பிரேத பரிசோதனையில் காத்திருந்த அதிர்ச்சி

தம்புள்ளை, திட்டவெல்கொல்ல பகுதியில் உள்ள ஒரு வீட்டில் படுக்கையில் இறந்து கிடந்த பெண்ணின் பிரேத பரிசோதனையில், மரணம் கொலை என்பது தெரியவந்துள்ளது.

அதன்படி, கொலை செய்யப்பட்ட பெண்ணின் கணவர் இன்று (15) சந்தேகத்தின் பேரில் கைது செய்யப்பட்டுள்ளதாக காவல்துறையினர் தெரிவித்துள்ளார்.

பாதிக்கப்பட்ட பெண் தம்புள்ளை, திட்டவெல்கொல்ல பகுதியில் வசிக்கும் 34 வயதுடைய ஒரு குழந்தையின் தாய் என்று கூறப்படுகிறது.

அவர் கலேவெல வலயக் கல்வி அலுவலகத்தில் மேலாண்மை சேவைகள் அதிகாரியாகப் பணிபுரிந்து வந்துள்ளார்.

சந்தேக நபரின் வாக்குமூலம்

தம்புள்ளை, திட்டவெல்கொல்ல பகுதியில் உள்ள ஒரு வீட்டில் உள்ள ஒரு அறையில் கடந்த 13 ஆம் திகதி படுக்கையில் ஒரு பெண் இறந்துவிட்டதாக காவல்துறையினருக்கு தகவல் வழங்கப்பட்டுள்ளது.

அதன்போது, தனது மனைவி பரீட்சையொன்றுக்காக படித்துவிட்டு மாலை 4 மணியளவில் படுக்கைக்குச் சென்றதாகவும், இரவு 9 மணியளவில் எழுப்பச் சொன்னதாகவும் அவரது கணவர் காவல்துறையினரிடம் தெரிவித்துள்ளார்.

அதன்படி, இரவில் தனது மனைவியை எழுப்பச் சென்றிருந்தபோதும், அவர் எழுந்திருக்காததால், உடல்நிலை சரியில்லாமல் இருப்பதாக நினைத்து 1990 சேவைக்கு அழைத்ததாக காவல்துறையினருக்கு சந்தேக நபர் மேலும் கூறியுள்ளார்.

இருப்பினும், மரணம் தொடர்பாக காவல்துறையினர் எழுப்பிய சந்தேகங்களின் அடிப்படையில், மரணம் குறித்து காவல்துறையினர் முறையான விசாரணை நடத்தி, அதற்கேற்ப விசாரணைகளை மேற்கொண்டுள்ளனர்.

பிள்ளையின் சந்தேகத்திற்கிடமான நடத்தை

இந்த நிலையில், இன்று தம்புள்ளை வைத்தியசாலையில் சிறப்பு தடயவியல் வைத்தியர் ஒருவரால் பிரேத பரிசோதனை நடத்தப்பட்டதையடுத்து,
தலையில் ஏற்பட்ட பலத்த காயங்கள் காரணமாக உள் இரத்தப்போக்கு ஏற்பட்டதே மரணத்திற்கான காரணம் என தெரியவந்துள்ளது.

அத்துடன், தம்பதியரின் 5 வயது பிள்ளையின் சந்தேகத்திற்கிடமான நடத்தை மற்றும் குழந்தை மிகவும் பயந்து போயிருப்பதால் இந்த மரணம் தொடர்பாக மேலும் சந்தேகங்கள் எழுந்துள்ளதாக காவல்துறையினர் தெரிவித்துள்ளனர்.

அதன்படி, கணவர் கைது செய்யப்பட்டு, கொலை நடந்த விதம் குறித்த தகவல்களை அறிய காவல்துறை விசாரணைகள் நடந்து வருகின்றன.

இதேவேளை, கைது செய்யப்பட்ட சந்தேக நபர் தம்புள்ளை நீதவான் நீதிமன்றத்தில் முற்படுத்தப்படவுள்ளதாகவும் தெரிவிக்கப்படுகிறது.