எலான் மஸ்க்கிற்கு(Elon Musk) சொந்தமான எக்ஸ் தளம்(X) உலகம் முழுவதும் செயலிழந்துள்ளதாகத் தகவல் வெளியாகியுள்ளது.
இதனால் பயனர்கள் தளத்தின் முக்கிய அம்சங்களைப் பயன்படுத்த முடியாதநிலை ஏற்பட்டுள்ளதாகத் தெரிவிக்கப்படுகின்றது.
இன்று பிற்பகல் 3 மணிக்குப் பின்னர் எக்ஸ் தளம் செயலிழந்துள்ளதாகப் பயனர்கள் தெரிவிக்கின்றனர்.
முடங்கிய எக்ஸ்
எக்ஸின் வலைத்தளம் மற்றும் செயலி இரண்டிலும் உள்நுழைவதில் சிக்கல் ஏற்பட்டதாக பலர் புகாரளித்தனர்.
சேவை இடையூறுகளைக் கண்காணிக்கும் வலைத்தளமான Downdetector இன் கூற்றுப்படி, பிற்பகல் 3:30 மணியளவில் சுமார் 2,500 பயனர்கள் எக்ஸின் சிக்கல்களைப் புகாரளித்துள்ளனர்.
எனினும், செயலிழப்பு குறித்து எக்ஸ் நிறுவனத்திடமிருந்து எந்தத் தகவலும் இல்லை என்பதுடன், பிற்பகல் 3:45 மணியளவில் எக்ஸ் சேவை மீண்டும் வழமைக்கு வந்துள்ளது.
மேலும், எக்ஸ் தளத்தில் இது போன்ற சம்பவங்கள் நடைபெறுவது மிகவும் அரிய நிகழ்வாகும்.