நயினாதீவில் புத்தர் சிலை திருடிய குற்றத்தில் இளைஞர் ஒருவர் கைது

யாழ்ப்பாணம் (Jaffna), நயினாதீவில் உள்ள பழைய விகாரையில் இருந்து புத்தர் சிலையைத்
திருடிய குற்றச்சாட்டில் இளைஞர் ஒருவர் கைது செய்யப்பட்டுள்ளார்.

விகாரையில் இருந்த புத்தர் சிலையைத் திருடிக்கொண்டு படகில் ஏறி குறிகாட்டுவான்
பகுதிக்கு வந்த நிலையில், மேற்படி இளைஞர் புத்தர் சிலையுடன் கைது
செய்யப்பட்டதாக பொலிஸார் தெரிவித்துள்ளனர்.

அந்த இளைஞர் மேலதிக சட்ட நடவடிக்கைக்காக ஊர்காவற்றுறை பொலிஸ் நிலையத்தில்
ஒப்படைக்கப்பட்ட நிலையில், பொலிஸ் விசாரணையில் மேற்படி இளைஞர் மனநலம் பாதிக்கப்பட்டவர் என்பது தெரியவந்துள்ளது.

மேலதிக விசாரணை

எனினும், மேலதிக விசாரணையின் பின்னர் அந்த இளைஞரை ஊர்காவற்துறை நீதிவான்
நீதிமன்றில் முற்படுத்த பொலிஸார் நடவடிக்கை எடுத்துள்ளனர்.