பணி நேரத்தில் போதைபொருள் உட்கொள்ளும் பேருந்து ஓட்டுநர்கள் – நடத்துனர்கள்

கரையோர மார்க்கத்தில் சேவையில் ஈடுபடும் சில பேருந்து ஓட்டுநர்கள் மற்றும்
நடத்துனர்கள், பணியில் இருக்கும்போது கஞ்சா மற்றும் ஐஸ் உள்ளிட்ட
போதைப்பொருட்களைப் பயன்படுத்துவதாக தெரிவிக்கப்பட்டுள்ளது. 

இலங்கை தனியார் பேருந்து உரிமையாளர்கள்
சங்கத்தின் தலைவர் கெமுனு விஜேரத்ன மேற்கண்டவாறு குற்றம் சாட்டியுள்ளார்.

சோதனை நடவடிக்கை

அதன்படி, கொள்ளுப்பிட்டி, தெஹிவளை, மொரட்டுவ மற்றும் களுத்துறை போன்ற பகுதிகளில்
போதைப்பொருள் எளிதில் கிடைப்பதாகவும், வழித்தடத்தில் நிறுத்தப்படும்
பேருந்துகளுக்கு வியாபாரிகள் போதைப்பொருட்களை வழங்குவதாகவும் அவர் கூறினார்.

சில நடத்துனர்கள் தங்கள் போதைப் பழக்கத்திற்கு நிதியளிக்க பயணிகளின் பணத்தை
தவறாகப் பயன்படுத்துவதாகவும் கெமுனு விஜேரத்ன மேலும் தெரிவித்தார்.

கொழும்பில் பேருந்துகளை ஆய்வு செய்ததற்காக காவல்துறையினருக்கு நன்றி தெரிவித்த
அவர், அச்சுறுத்தலைக் கட்டுப்படுத்த கடுமையான கண்காணிப்பையும் வலியுறுத்தினார்.