யாழில் கடற்தொழிலுக்கு சென்றவர் உயிரிழப்பு

யாழ்ப்பாணத்தில் (Jaffna) நேற்றையதினம் கடற்தொழிலுக்குச் சென்ற கடற்தொழிலாளர்களில் ஒருவர் இன்று (12.01.2025)காலை
உயிரிழந்துள்ளார்.

குருநகர் பகுதியை சேர்ந்த அல்போன்சோ
சந்தியாப்பிள்ளை (வயது 58) என்பவரே இவ்வாறு உயிரிழந்துள்ளார்.

உடற்கூற்று பரிசோதனை

இச்சம்பவம் குறித்து மேலும் தெரியவருகையில்,

இரண்டு கடற்தொழிலாளர்கள் நேற்றையதினம் கடற்றொழிலுக்கு சென்ற நிலையில், குறித்த கடற்தொழிலாளருக்கு இன்றையதினம் உடல் சுகயீனம் ஏற்பட்டுள்ளது.

அவரை ஊர்காவற்துறை
வைத்தியசாலையில் அனுமதித்த வேளை அவர் ஏற்கனவே உயிரிழந்து விட்டதாக
வைத்தியர்கள் தெரிவித்தனர்.

இந்நிலையில், உடற்கூற்று பரிசோதனைகளுக்காக சடலம் யாழ்ப்பாணம் போதனா வைத்தியசாலையில்
வைக்கப்பட்டுள்ளது.