நடப்பு உலகக்கிண்ணத்தின் சுப்பர் 8 சுற்றுக்கு இலங்கை அணி தகுதி பெறாமல் வெளியேறிய அவமானத்திலிருந்து வெளிவருவது கடினம் என இலங்கை அணியின் சகலதுறை வீரர் அஞ்சலோ மெத்தியூஸ் (Angelo Mathews) தெரிவித்துள்ளார்.
இலங்கை ( Sri Lanka) அணியின் மோசமான தோல்விக்கு பின்னர் ஊடகங்களை சந்தித்து கருத்து தெரிவிக்கும் போதே அவர் மேற்கண்டவாறு குறிப்பிட்டுள்ளார்.
தொடர்ந்தும் கருத்து தெரிவித்த அவர், ”ஆடுகளத்தின் தன்மையை இலங்கை அணியின் துடுப்பாட்டக்காரர்கள் சரியாக புரிந்துகொள்ளவில்லை எனவும் இதற்காக இனிமேல் யாரையும் சாடி பயனில்லை”
இலங்கை குழாம்
மேலும், தொடர் ஆரம்பிப்பதற்கு 15 நாட்களுக்கு முன் இலங்கை குழாம் அமெரிக்காவிற்கு சென்றிருந்த போதிலும் ஆடுகளத்தை புரிந்துகொள்ள தவறி விட்டோம்” என மெத்தியூஸ் கவலை தெரிவித்துள்ளார்.
எனினும், அணியின் மோசமான ஆட்டத்தை மன்னிக்க முடியாது எனவும் அதனை நாம் ஏற்றுக்கொள்ள வேண்டும் எனவும் அவர் கூறியுள்ளமை குறிப்பிடத்தக்கது.