11 கஜமுத்துக்களுடன் கைதான சந்தேகநபர்: மேலதிக விசாரணைகள் முன்னெடுப்பு

மட்டக்களப்பு (Batticaloa) – காந்தி பூங்கா பகுதியில் அரியவகை 11 கஜமுத்துக்களுடன் கைது செய்யப்பட்ட சந்தேகநபர் தொடர்பில் மேலதிக விசாரணைகளை ஆரம்பித்துள்ளதாக கல்முனை விசேட அதிரடிப்படையினர் தெரிவித்துள்ளனர்.

கடந்த 29 ஆம் திகதி சட்டவிரோத வியாபார நடவடிக்கை ஒன்றிற்காக சந்தேகநபர் வருகை தந்துள்ளதாக கிடைக்கப்பெற்ற இரகசிய தகவல் ஒன்றினையடுத்து விசேட அதிரடிப்படை குழு கண்காணிப்பில் ஈடுபட்டு சந்தேகநபரை கைது செய்துள்ளனர்.

பொலிஸ் விசாரணை

இவ்வாறு கைது செய்யப்பட்ட சந்தேகநபர் 30 வயது மதிக்கத்தக்க மயிலவெட்டுவான் பகுதியை சேர்ந்தவர் எனவும் தெரியவந்துள்ளது.

சட்ட நடவடிக்கைக்காக சந்தேகநபர் மட்டக்களப்பு தலைமையக பொலிஸாரிடம் அதிரடிப்படையினரால் ஒப்படைக்கப்பட்டுள்ளார்.

தற்போது சந்தேகநபர் தொடர்பிலான மேலதிக விசாரணைகளை கல்முனை விசேட அதிரடிப்படையினர் முன்னெடுத்து வருகின்றனர்.