இந்தியாவின் பீகார் மாநிலத்தில் உள்ள பெண்களின் தாய்பாலில், அணுகுண்டு தயாரிக்க பயன்படும் யுரேனியம் இருப்பதாக மருத்துவர்கள் அளித்த தகவல் அதிர்ச்சியை ஏற்படுத்தியுள்ளது.
இந்தியாவில் உள்ள மகாவீர் புற்றுநோய் நிறுவனத்தின் ஆராய்ச்சியாளர்கள், தாய்ப்பாலின் மூலம் யுரேனியம் வெளிப்படுவது குழந்தைகளுக்கு குறிப்பிடத்தக்க புற்றுநோய் அல்லாத உடல்நலப் பிரச்சினைகளை ஏற்படுத்தும் என்று கண்டறிந்துள்ளனர்.
40 பாலூட்டும் தாய்மார்களிடம் ஆய்வு
40 பாலூட்டும் தாய்மார்களிடமிருந்து தாய்ப்பாலை பகுப்பாய்வு செய்த ஆய்வில், அனைத்து மாதிரிகளிலும் யுரேனியம் (U-238) இருப்பது கண்டறியப்பட்டது, மேலும் 70% குழந்தைகளுக்கு புற்றுநோய் அல்லாத உடல்நல அபாயம் இருப்பதாக மருத்துவர் அசோக் சர்மா தெரிவித்துள்ளார்.
ஒட்டுமொத்த யுரேனிய அளவுகள் அனுமதிக்கப்பட்ட வரம்புகளுக்குக் கீழே இருந்ததாகவும், தாய்மார்கள் மற்றும் குழந்தைகளுக்கு குறைந்தபட்ச உண்மையான உடல்நல பாதிப்புகளை ஏற்படுத்தும் என்றும் மருத்துவர் அசோக் சர்மா குறிப்பிடுகிறார்.
குழந்தைகளை பாதிக்கும்
மேலும் யுரேனியம் வெளிப்பாடு மோசமான நரம்பியல் வளர்ச்சி மற்றும் குறைந்த IQ போன்ற அபாயங்களை ஏற்படுத்தும் என்றும் கூறினார்.
நிலத்தடிநீர் மாசு, சுற்றுச்சூழல் மாசுபாடு போன்றவை தாய்பாலில் யுரேனியம் இருப்பதற்கு காரணம் என இதற்கு விளக்கம் அளிக்கப்பட்டுள்ளது.