தமிழர் பகுதியில் நடந்த பயங்கரம் – கணவனை கொலை செய்த குற்றச்சாட்டில் மனைவி

திருகோணமலை, உப்புவெளிப் பொலிஸ் பிரிவில் கணவனை கண்ணாடி போத்தலால் தாக்கி கொலை செய்த சந்தேகத்தின் பேரில் மனைவி கைது செய்யப்பட்டுள்ளார்.

குடும்பத் தகராறு தீவிரமடைந்த நிலையில் மனைவி தனது கணவரின் வயிற்றில் போத்ததால் தாக்கியுள்ளதாக தெரிவிக்கப்படுகிறது.

37 வயதுடைய ஒரு பிள்ளையின் தந்தையே இவ்வாறு படுகொலை செய்யப்பட்டுள்ளார்.

கணவன் – மனைவி மோதல்

கணவன் மனைவிக்கிடையில் வாக்குவாதம் ஏற்பட்டுள்ளது. வாக்குவாதம் முற்றியதையடுத்து சந்தேகநபர் தனது கணவரின் வயிற்றில் போத்தலில் தாக்கி கண்ணாடித் துண்டினால் குத்தியதாகக் கூறப்படுகிறது.

சம்பவத்தில் படுகாயமடைந்த நபர் திருகோணமலை வைத்தியசாலையில் 5 நாட்களாக சிகிச்சை பெற்று வந்த நிலையில் நேற்று உயிரிழந்துள்ளதாக வைத்தியசாலை வட்டாரங்கள் தெரிவிக்கின்றன.

கொலை தொடர்பில் சந்தேகத்தின் பேரில் உயிரிழந்தவரின் மனைவி கைது செய்யப்பட்டுள்ளதாக பொலிஸார் தெரிவித்துள்ளனர்.