கொழும்பு துறைமுகத்தை வந்தடைந்த வாஸ்கோடகாமா சொகுசு கப்பல்!

சுற்றுலா பயணிகளை ஏற்றிக்கொண்டு வாஸ்கோடகாமா (Vasco da Gama ) என்ற அதி சொகுசு பயணிகள் கப்பல் இலங்கையை வந்தடைந்துள்ளது.

வாஸ்கோடகாமா பயணிகள் கப்பல் இன்று (20) காலை கொழும்பு (Colombo) துறைமுகத்தை வந்தடைந்தது.

குறித்த கப்பல் 689 பயணிகள் மற்றும் 460 பணியாளர்களுடன் இந்தியாவில் இருந்து நாட்டுக்கு வருகை தந்துள்ளது.

பயணிகள் கப்பல் 

இது ஜெர்மனி, பிரிட்டன் மற்றும் இந்தியாவிலிருந்து கொழும்பு, காலி மற்றும் திருகோணமலைக்கு செல்லும் பயணிகளை சுமந்து வந்துள்ளது.

போர்த்துகல் கொடியுடன் வந்துள்ள இந்த பயணிகள் கப்பல் நாளை இரவு இந்தோனேஷியா நோக்கி புறப்படும் என தெரிவிக்கப்படுகின்றது.