அம்பாறை(Ampara) – சம்மாந்துறை காவல்துறை பிரிவில் இடம்பெற்ற திருட்டுச் சம்பவங்கள் பலவற்றுடன் தொடர்புடையதாக குறிப்பிடப்படும் சந்தேக
நபரை அடையாளம் காண உதவுமாறு பொதுமக்களை சம்மாந்துறை காவல்துறையினர் கேட்டுக்கொண்டுள்ளனர்.
சம்மாந்துறை காவல்துறை பிரிவிற்குட்பட்ட பகுதியில் அண்மைக் காலமாக மோட்டார் சைக்கிள்கள் அதிகம் கொள்ளையிடப்பட்டுள்ளன.
இந்நிலையில், குறித்த திருட்டுச்சம்பங்கள் தொடர்பில் புலன் விசாரணைகளை காவல்துறையினர் மேற்கொண்டு பிரதான சந்தேக நபரை இனங்கண்டுள்ளனர்.
கொள்ளைச் சம்பவம்
அத்துடன், பல்வேறு கொள்ளைச் சம்பவங்களுடன் தொடர்புடைய கீழ்காணும் குறித்த சந்தேக நபர் பற்றிய தகவல் தெரிந்தால் சம்மாந்துறை காவல் நிலையத்துக்கு தகவல் வழங்கவுமாறும் குறித்த விடயம் தொடர்பில் தகவல் தருபவரின் இரகசியம் பாதுகாக்கப்படும் என காவல்துறையினர் குறிப்பிட்டுள்ளனர்.
மேலும், சம்மாந்துறை காவல் நிலையத்தின் 0672 260 222 என்ற எண்ணை தொடர்பு கொண்டு குறித்த சந்தேக நபர் பற்றிய தகவலை
அறிவிக்குமாறும் காவல்துறையினர் கேட்டுக்கொண்டுள்ளனர்.