பாலஸ்தீன மக்களை ஹமாஸ் அமைப்பினர் சித்திரவதை செய்யும் காணொளியை இஸ்ரேல்(israel) இராணுவத்தினர் வெளியிட்டுள்ளனர். அதில் அவர்களை சங்கிலியால் கட்டி வைத்து அடித்துத் துன்புறுத்தும் காட்சிகள் பதிவாகியுள்ளன.
இந்த காணொளி 2018 முதல் 2020-ம் ஆண்டுக்குள் வடக்கு காசா பகுதியில் எடுக்கப்பட்டிருக்கலாம் என்று தெரிகிறது.கண்காணிப்புக் கமராவில் பதிவான காணொளி காட்சிகள் இவை என்று தெரிவதாக இஸ்ரேல் இராணுவம் தெரிவித்துள்ளது.
இதுதொடர்பான தகவலை நியூயோர்க் போஸ்ட் இதழ் வெளியிட்டுள்ளது.
ஹமாஸ் அமைப்பின் முகாமில் கண்டெடுக்கப்பட்ட காணொளி
ஹமாஸ் அமைப்பினர் முன்பு தங்கியிருந்த ஜபாலியா என்ற பகுதியில் உள்ள முகாமில் வைக்கப்பட்டிருந்த கண்காணிப்பு கமராவிலிருந்து இது எடுக்கப்பட்டுள்ளது.
Will they? https://t.co/9EY1llLefr
— ZioNiche (@Zion_Niche) November 10, 2024
மனித உரிமைகளை மீறி பிடித்து வைத்த பொதுமக்களை ஹமாஸ் அமைப்பினர் சித்திரவதை செய்யும், அவர்கள் மிருகத்தனமாக நடந்துகொள்ளுதல் போன்றவை காணொளியில் பதிவாகியுள்ளது என்று இஸ்ரேல் ராணுவம் தெரிவித்துள்ளது.
சங்கிலியால் பொதுமக்கள் கை, கால்கள் கட்டப்பட்டு சித்திரவதை
47 நிமிடங்கள் ஓடும் இந்த காணொளியில் முகாமின் கூரைப்பகுதியில் இருந்து சங்கிலியால் பொதுமக்கள் கை, கால்கள் கட்டப்பட்டு தலைகீழாக தொங்கவிடப்பட்டு சித்ரவதை செய்யப்படுகின்றனர்.
மேலும் ஹமாஸ் அமைப்பினர் தங்களது முகம்களை முகமூடியால் மூடிக்கொண்டு அவர்களிடம் கேள்வி எழுப்புவதும்,அடித்து துன்புறுத்துவதும் காணொளியில் பதிவாகியுள்ளது.
